(Dialettale)
Lu Verbu sacciu
e lu Verbu vogghiu diri
chistu iè lu Verbu
di nostru Signuri.
Supra nà cruci
vinistu a muriri
pi sabbari nui piccaturi.
Cruci, quantu sì ranni
e sì binigna!
Un brazzu tèni nterra
e n'atru in celu.
Cridu chi sì fattu di carni
e non di lignu
si "Verbum caro factum
est"!
Giù alla valle di Giosafat
ranni e picciddi
iàmu a iessiri ddà
Quannu arruàmu
ntà ddà gran chianura
tutti trimamu
comu tri fogghi di lavùru.
Poi ddà cala nostru Signuri
supra nà siggitta d'oru
si sittirà
cu lu libriceddu a manu
leggi e dici
o piccaturi, o piccatrici
si tu sai lu Verbu
picchì non lu dici?
Si nun lu sai
ti lu fai mparari;
di mala motti non puoi
murìri.
Cu dici
a campanedda sunòi.
Ora mi pattu
e vaiu e lu trovu.
Si non lu trovu
dda mi ttaccu e milliu
femmu la liti
e cu Diu mi stai.
Verbu ncarnatu
du celu scinnistu,
ntà lu ventri di Maria
istu e ripusastu.
Stastu novi misi
e poi nascistu
la Virgini Maria
com'era la lassastu.
33 anni
pi lu munnu istu
tutti li matri santi
piddunastu
ora piddunati a mia
chi sugnu tristu
comu l'autru arrùri
piddunastu.
Comu fazzu?
Abbentu non aiu!
Unni vaiu
mi spia e mi dici
Si sai lu Verbu
picchi non lu dici?
Cu lu dici tri voti
a lu iornu
libiratu iè di peni
d'infernu;
cu lu dici tri voti
a la notti
libiratu iè dà mala
motti.
Cu lu dici tri voti
a la dia
libiratu iè di ogni
mala via.
Cu lu dici tri voti
a li Santi
libbiratu iè di trona
e di lampi.
Cu lu dici in ogni
capizzu
libiratu iè di ogni
trimizzu.
Cu lu dici tri voti
a la sira,
in Paradisu sinni nchiana
cu la Vergini Maria.
Cu lu sapi e nun lu dici
setti virgati di focu e di pici.
E cu lu senti e non lu nsigna
setti virgati di focu e di ligna.
|
(Traduzione)
Il Verbo so
e il Verbo voglio dire
questo è il Verbo
del nostro Signore.
Sopra una Croce
siete venuto a morire,
per salvare noi peccatori
Croce, quanto sei grande
e sei benevola.
Un braccio tieni in terra
e un altro in cielo.
Credo che sei fatto di Carne
e non di legno.
Sei "Verbum carne factum
est"!
Giù nella valle di Giosafat
grandi e piccoli
dobbiamo essere là.
Quando arriviamo
in quella grande pianura
tutti tremiamo
come tre foglie di grano.
Poi lì scende nostro Signore
sopra una sedia d'oro
si siederà
con il libretto in mano
legge e dice:
o peccatore, o peccatrice
se tu sai il Verbo
perché non lo dici?
Se non lo sai
te lo fai insegnare
di mala morte non
puoi morire.
Chi lo dice
la campanella è suonata.
Ora parto
vado e lo trovo.
Se non lo trovi
mi lego là e mi fermo
fermo i litigi
e con Dio mi resto.
Verbo incarnato
dal cielo siete sceso,
nel grembo di Maria
siete andato e avete riposato.
Siete stato nove mesi
e poi siete nato,
la Vergine Maria
com'era l'avete lasciata.
33 anni
siete andato per il mondo
tutte le madri sante
avete perdonato.
Ora perdonate me
che sono triste.
Come gli altri errori
avete perdonato.
Come faccio?
Non ho pace,
dove vado
mi spia e mi dice:
se sai il Verbo
perché non lo dici?
Chi lo dice tre volte
al giorno
è liberato dalle pene
dell'inferno.
Chi lo dice tre volte
la notte
è liberato dalla mala
morte.
Chi lo dice tre volte
all'alba
è liberato da ogni
mala via.
Chi lo dice tre volte
ai Santi
è liberato dai tuoni
e dai lampi.
Chi lo dice in ogni
letto
è liberato dalla
paura.
Chi lo dice tre volte
alla sera
sale in Paradiso
con la Vergine Maria.
Chi lo sa e non lo dice
sette vergate di fuoco e di pece.
Chi lo sente e non lo insegna
sette vergate di fuoco e di legna. |
